Top News – Izraeli kthen tanket në Gaza / Shkatërrohet armëpushimi, bomba mbi shtëpi gjatë natës
20/03/2025 12:10

Të paktën 58 palestinezë janë vrarë në bombardimet izraelite në Rripin e Gazës gjatë natës dhe mëngjesit të së enjtes, sipas tri spitaleve. Ushtria izraelite goditi shtëpitë në mes të natës, duke vrarë burra, gra dhe fëmijë derisa po flinin. Izraeli i rifilloi bombardimet në Gazë të martën, duke e prishur armëpushimin që e kishte ndalur luftën dhe kishte ndihmuar në lirimin e disa dhjetëra pengjeve. Qeveria izraelite e fajësoi Hamasin për rifillimin e luftimeve, pasi grupi militant nuk e pranoi një propozim të ri që dallon nga marrëveshja e nënshkruar mes palëve. Më shumë se 400 palestinezë u vranë vetëm të martën, kryesisht gra dhe fëmijë, sipas Ministrisë së Shëndetësisë në Gazë, e cila kontrollohet nga Hamasi. Hamasi nuk raportohet të ketë lëshuar raketa apo kryer ndonjë sulm tjetër. Një nga sulmet në orët e para të së enjtes goditi një shtëpi pranë Han Junisit, afër kufirit me Izraelin. Ushtria izraelite i kishte urdhëruar banorët e zonës në fillim të javës që të evakuoheshin. Në këtë sulm u vranë të paktën 16 persona, kryesisht gra dhe fëmijë, sipas Spitalit Evropian në afërsi, i cili pranoi kufomat. Viktimat ishin një baba dhe shtatë fëmijët e tij, si dhe prindërit dhe vëllai i një foshnje njëmuajshe që mbijetoi bashkë me gjyshërit. Izraeli, i cili gjithashtu ka ndërprerë furnizimin me ushqim, karburant dhe ndihma humanitare për rreth 2 milionë palestinezët në Gazë, është zotuar se do t’i intensifikojë operacionet derisa Hamasi të lirojë edhe 59 pengjet e mbetura – 35 prej të cilëve besohet se kanë vdekur, dhe të heqë dorë nga kontrolli mbi Gazë. Administrata Trump, e cila mori meritat për ndërmjetësimin e armëpushimit, thotë se e mbështet plotësisht Izraelin. Hamasi ka thënë se do të lirojë pengjet e mbetura vetëm në këmbim të një armëpushimi të qëndrueshëm dhe tërheqjes së plotë të Izraelit nga Gaza, siç kërkohej në marrëveshjen e armëpushimit të arritur në janar pas më shumë se një viti ndërmjetësimi nga SHBA-ja, Egjipti dhe Katari. Hamasi, i cili nuk e pranon ekzistencën e Izraelit, thotë se është i gatshëm ta dorëzojë pushtetin tek Autoriteti Palestinez i mbështetur nga Perëndimi ose te ndonjë komitet i pavarur politik, por nuk do të dorëzojë armët derisa Izraeli t’i japë fund okupimit të territoreve që palestinezët i duan për një shtet të ardhshëm.

Top Channel/ Tesla “merr me të mira” Musk, i jep aksione me vlerë 29 mld dollarë
04/08 22:39
Top Channel/ Putin dhe Netanyahu nuk i ndahen njëri-tjetrit, sërish bisedë telefonike mes tyre
04/08 22:25
Top Channel/ “Burri që më shkatërroi jetën…”, vajza sekrete e Putinit kritikon luftën në Ukrainë
04/08 21:14
Top Channel/ Putin tjetër kërcënim Trump-it! Zhvendos 4 bombardues bërthamorë drejt perëndimit
04/08 21:00
Top Channel/ 100 mln paund kundër emigrantëve! Starmer akordon shumën për emigracionin e paligjshëm
04/08 19:46
Top News- “Dhoma gazi për shqiptarët”/ Thirrjet antishqiptare në RMV, reagon kryeministri
04/08 19:30
Top News- Kodi i ri Penal, reagon Rama: Të alarmuarit të mos ekspozohen shumë në diell
04/08 19:05
Top News – Hedh në erë hekurudhën ruse / Ukraina, sulm me dronë në rajonin e Volgogradit
04/08 14:54
Top News – Treni përplaset me autobusin / Aksident tragjik me viktima në Leningrad të Rusisë
04/08 14:53
Top News – Putin, ‘gati’ të takojë Zelenskin / Rusia nën presion për armëpushim me Ukrainën
04/08 14:47
Top News – ‘Unaza e Zjarrit’ terrorizon / Varg shpërthimesh vullkanike pas tërmetit të madh
04/08 14:47
Top News – Plasin kërcënimet bërthamore / Kremlini kërkon kujdes pasi Trump nisi nëndetëset
04/08 14:35
Top News – Krizë buke dhe uji në Gaza / Shtohet mjerimi i banorëve, luftë, zhvendosje e uri
04/08 14:32
Top News – Trump dhe nëndetëset bërthamore…‘Një mesazh për Putinin’ apo thjeshtë një retorikë
04/08 13:06
Top News – Lufta e III Botërore te porta…Putin paralajmëron NATO-n, Oreshnikët në Bjellorusi
04/08 12:57
Top News – Tronditje nga videoja e pengjeve / Netanyahu i kërkon ndihmë Kryqit të Kuq
04/08 12:52
Top News – ‘Rebelim’ kundër Netanyahut / Letër e hapur Trumpit: T’i japim fund luftës në Gaza
04/08 12:41
Top News – Njeriu i Trumpit me mision në Moskë / Witkoff shkon në Rusi javën e ardhshme
04/08 12:29
Top News – Australi, bora më e madhe nga vitet 80-të…Videoja, ngjarje e pazakontë e motit
04/08 12:24
Top Channel/ Mbytet anija me emigrantë në Jemen, 76 humbin jetën, 32 shpëtohen
04/08 12:16