Trupat izraelite kanë shkatërruar shtëpinë e një komandanti të Hamasit në azil, në bregun e pushtuar perëndimor. Shtëpia i përkiste Saleh al Arourit, që aktualisht besohet se jeton në libanin jugor. Ai është zëvendës i liderit të Hamasit, Ismail Haniyeh, dhe është mes një grupi liderësh të vecuar nga zyrtarët izraelitë si organizatorë të sulmit të beftë të 7 tetorit. Ai ka qëndruar për 17 vite në burgjet izraelite pasi u bë i njohur në 2014-ën, kur pranoi rrëmbimin dhe vrasjen e tre adoleshentëve izraelitë nga një koloni në bregun perëndimor. Shtëpia e tij ishte përcaktuar të shembej që javën e kaluar dhe forcat e sigurisë e hodhën në erë orët e para të mëngjesit. Që atëherë, ka patur një seri përplasjesh dhe protestash në bregun perëndimor. Pas 18 muajsh përshkallëzimi të vazhdueshëm të dhunës në bregun perëndimor, forcat izraelite kanë kaluar në një tjetër fazë pas sulmit të hamasit në 7 tetor. Qindra persona janë arrestuar, janë kryer opercione të vazhdueshme që kanë rezultuar në përleshje ndërkohë që ka patur edhe shumë viktima. Imazhet e publikuara nga izraeli, të hedhjes në erë të shtëpisë, pasojnë njoftimet e forcave mbrojtëse të vendit për vrasjen e një komandanti të hamasit, Nasim Abu Ajina. Sipas izraelit, ai kishte drejtuar masakrën e 7 tetorit në kibutzin Erez dhe Moshav Netiv HaAsara.