Ushtria izraelite rifilloi me forcë luftën e saj kundër Hamasit në Gaza, tekas në një deklaratë të publikuar së fundi, ka raportuar se ka goditur rreth 400 objektiva terroriste që nga përfundimi i armëpushimit. Gjatë natës, avionët luftarakë goditën pozicionet në jug të Gazës, e cila ka të ngjarë të jetë fokusi i fazës tjetër të ofensivës izraelite. Qindra mijëra palestinezë janë vendosur në pjesën jugore të Gazës, pas zhvendosjes nga veriu, rreth dy muaj më parë, kur edhe nisi lufta mes Izraelit dhe Hamasi. Sulmet kishin në shënjestër zonat përreth Khan Younis, ku disa anëtarë të udhëheqjes së Hamasit besohet se fshihen nga Izraeli. Disa pjesë të Gazës veriore, ku trupat izraelite po kryejnë një ofensivë tokësore, janë goditur gjithashtu me zjarr artilerie dhe tankesh, tha ushtria izraelite.