Kryeministri i Izraelit, Benjamin Netanyahu tha të martën se do t’i kërkojë kabinetit të tij që ta miratojë propozimin për armëpushim me Hezbollahun. Votimi që do të ndodh në orët në vijim, do t’I jap fund luftës gati 14 mujore. “Ne do ta zbatojmë marrëveshjen dhe do të përgjigjemi me forcë ndaj çdo shkeljeje. Së bashku, ne do të vazhdojmë deri në arritjen e fitores”, tha Netanyahu. Marrëveshja që u njoftua dhe nga ambasadori i izraelit në SHBA, nëse pranohet nga të gjitha palët do të ishte një hap I madh që do të shuante tensionet në rritje mes grupit militant dhe Izraelit. Por nga ana tjetër kjo marrëveshje nuk do të ketë ndikim në luftën në Gaza me Hamas. Marrëveshja parashikon fillimisht ndërprerjen e luftimeve për dy muaj, dhe i kërkon Hezbollahut të mos ketë prani të armatosur në një pjesë të gjerë të jugut të Libanit, ndërsa trupave izraelite u kërkon do të kthehen në anën e tyre të kufirit.