Amerikani 47 vjecar William Jeffrey West, u dënua me 16 vjet burg për vrasjen e bashkëshortes së tij, Kathleen. Vrasja ishte kryer në 2018-tën në Alabama, dhe West do t`ia hidhte paq po të mos zbulohej fare rastësisht nga një aplikacion në telefonin e tij. Policia zbuloi se burri kishte bërë 18 hapa të regjistruara nga aplikacioni në fjalë pikërisht në kohën kur pretendonte se kishte qenë në shtrat duke fjetur. Kjo ishte alibia e tij, të cilën teknologjia e hodhi poshtë me lehtësinë më të madhe. Jeff, një ish punonjës policie, tashmë është shpallur fajtor. Trupi I pajetë I gruas u gjet përpara shtëpisë së tyre nga nga një kalimtar I rastit. Ajo ishte vrarë nga goditja me shishe në pjesën e pasme të kokës. Ndërkohë avokatët e Jeffit pretendon se gruaja kishte qenë e dehur dhe ishte rrëzuar e kishte përplasur kokën, cka sipas tyre I kishte sjellë vdekjen e menjëhershme. Mësohet se sherri mes Kathleen dhe të shoqit kishte nisur për shkak të fotove me të brendshme që gruaja,e cila ishte shtëpiake postonte online, dhe për këtë paguhej. Por burrit thjesht I kishte ardhur në majë të hundës kjo puna e Instagramit. West kishte pretenduar gjatë gjithë kohës se ka qenë në gjumë dhe se e ka mësuar vetëm në mëngjes vdekjen e bashkëshortes. Pamjet: AFP