Ajo është një nga modelet më të kërkuara dhe një fytyrat më të bukura në botë. Por jo vetëm kaq. Një nga më të ndjekurat dhe të fotografuara dhe përsa i përket jetës dhe historive të dashurisë. Me pak fjalë një nga më të dashurat për faqet e kronikës rozë. Supermodelja ruse vjen nga një fëmijëri shumë e vështire. E rritur mes varfërisë dhe mjerimit shumë herë ajo ka rrëfyer se i është dashur të bëjë sakrifica të mëdha për të arritur aty ku është tani. “Ndihmoja nënën time për të bërë punët në kopshtin e shtëpisë. Më pas kam filluar të punoi si modele dhe jetoja vetëm me 40 euro në javë. Dhe falë asaj që kam kaluar, kam kuptuar se asgjë nuk fitohet kollaj, ” thote ajo. Mbi këto parime ka vendosur të rrisë dhe vajzën e saj të vogël 3 vjeçare Lea-n, frut i marrëdhënies dhe dashurisë me aktorin Bradley Cooper. “Familja ime ishte e varfër, megjithatë e ndjeja që fati im ishte diku tjetër, rrefen modelja që në fakt, nuk gabohej. Irina lindi në një fshat të humbur të Rusisë, me baba minator dhe nënën, mësuese pianoje. Në moshën 14 vjecare e humbit të atin për shkak të pneumonisë dhe u transferua në Celjabinks ku ndoqi studimet për marketing dhe më pas shkollën për estetikë së bashku me të motrën. Irina rrëfen se kishte dashur të bëhej gazetare, por fati kishte rezervuar dicka tjetër për të. Pasi u pikas nga një agjensi modeling, një fushë kjo, ku sot është absolutisht një nga më të mirat.