Gjyqtarja Irena Gjoka kq kërkuar të largohet nga gjykimi i çështjes “Gërdeci”, pas vendimit të koleges së saj Etleva Deda për të rrëzuar kërkesën e ish ministrit të Mbrojtjes Fatmir Mediu për përjashtimin e Gjokës. Irena Gjoka ia ka drejtuar kërkesën kryetarit të Gjykatës së Posaçme Erjon Bani, në datën 11 nëntor, për largimin nga procesi me pretendimin se është në kushtet kur nuk mund të jetë pjesë e këtij gjykimi, pasi ka qenë gjyqtare e seancës paraprake në këtë çështje dhe se gjykimin e mori po ajo fillimisht, pasi Mediu kërkoi të gjykohej me procedurën e shkurtuar. Por gjatë procesit, ishte Fatmir Mediu ai i cili ndryshoi qëndrim dhe kërkoi procedurën e zakonshme dhe e gjithë çështja u ndoq nga Irena Gjoka.