Numri dy i socialistëve, Damian Gjiknuri bashkë me kryetarin e Bashkisë së Cërrikut, Andis Salla inspektuan impiantin e përpunimit dhe trajtimit të ujërave të zeza të qytetit. Gjiknuri nënvizoi se impiante të tilla mund të shërbejnë si modele që të implementohen dhe në bashki të tjera. Kjo është një arritje goxha e mirë për bashkinë e Cërrikut sepse bëhet fjalë për mikro – sistemin që s’ka nevojë të lidhen me rrjetin e përgjithshëm të kanalizimeve të ujërave të zeza. Këto lloj impiantesh që bëhen me investime jo shumë të mëdha, mund të zbatohen në shumë zona të Shqipërisë. Pra do të jetë një model i trajtimit të ujërave të zeza. Mendoj që bashkia e Cërrikut në këtë rast prapë po kthehet në inovatore, ashtu siç u bë dhe me përpunimin e mbetjeve bujqësore në pleh organik për bujqësinë.”