Inflacioni mbeti i pandryshuar në nivelin e 1.9 për qind në muajin shkurt, duke rënë ndjeshëm krahasuar me një vit më parë kur ky ndryshim ishte 2.6 për qind. Vihet re që rritje më të madhe vjetore të çmime kane pasur ushqimet dhe pijet joalkoolike, konkretisht produktet e mishit janë rritur me 4 për qind, zarzavatet me 3.2 për iqnd, qumështi, djathi dhe veza me 2.8 për iqnd, ëmbëlsirat, reçeli, mjatli dhe çokollatat me 1.7 për qind dhe peshku me 1.1 për qind. Balancimi i inflacionit me atë të një muaji më parë erdhi për shkak të rënies së çmimeve të qerave të apartamenteve dhe energjisë elektrike me 0.3 për qind krahasuar me muajin janar të këtij viti. Rënia e çmimeve të qerave të apartamenteve vjen edhe për shkak të uljes së kërkesës, por edhe si pasojë e ofertës tepër të lartë në vend, pasi të dhënat e INSTAT tregojnë se një pjesë e mirë e banesave ekzistuese janë bosh dhe janë potencial për t’u bërë objekt i kontratave qeramarrëse.