Pas Tiranës, Durrësi ka qenë ndër qytetët me më shumë infektime nga covid 19 gjatë ditëve të fundit. Nisur nga situata e rënduar e pandemisë, policia dhe grupet e taske forcës kanë kanë nisur kontrollet në terren për të këshilluar e ndëshkuar shkeljen e masave anti-covid nga qytetarët dhe subjektet. Dy ditët e fundit u raportuan rreth 230 raste të reja të infektuarish në Durrës, gjë që dëshmon një situatë të rënduar pasi transmetueshmëria e virusit vazhdon të rritet. Në qarkune Durrësit që nga fillimi pandemisë numri i të prekurve nga virusi është 7212 persona, nga të cilët 5263 janë shëruar, 1800 janë raste aktive dhe 149 persona kanë humbur jetën. Me shtimin e infektimeve ku prej 1 jave numri i rasteve ditore nga koronavirusi në vend ka kaluar 1000 të prekur, ekspertët e shëndetësisë, po edhe kryeminisri Edi Rama në daljet e fundit u kanë bërë thirrje qytetarëve që të respektojnë masat mbrojtëse anticovid për të parandaluar përhapjen e infeksisonit dhe për të shmangr një mbyllje totale.