Në shtëpinë e Big brother Vip është vendosur një nga këngët e Sabianit, ndërsa Iliri nuk i ka mbajtur dot lotët teksa ka dëgjuar zërin e shokut të tij të ngushtë. Të prekura reaguan edhe Arjola dhe Monika dhe të tre e duartrokitën Sabianin sapo mbaroi kënga. Ky fragment është shpërndarë me shpejtësi në rrjetet sociale dhe është komentuar edhe nga vajza e balerinit, Emily Shaqiri. “Babi do të doja të të përqafoja fort”, ka shkruar ajo, shoqëruar me emoji të përlotur. Kujtojmë se marrëdhënia mes Ilirit dhe Sabianit edhe pse nisi në shtëpinë e Big Brother, në asnjë moment nuk ka pasur luhatje. Edhe në momentin që Sabiani u largua nga shtëpia u shpreh se do të vazhdojë të mbështeste Ilirin. I ftuar në “Fun Club Big Brother Vip”, ai tha se nëse do fitonte çmimin e madh, një pjesë e lekëve do shkonte për bamirësi, ndërsa pjesën tjetër do e ndante me Ilirin. Këngëtari tregoi se ka ndjerë mbështetje shumë të madhe, madje kaq shumë nuk kishte pasur as në 21 vite karrierë.