Një ngjarje e rëndë është regjistruar pasditen e së dielës në një nga zonat e kryeqytetit, ku një 53-vjeçar ka mbetur I plagosur me thikë. Sipas Policisë, ngjarja ka ndodhur në zonën e Yzberishit ku një 24-vjeçar pak konfliktit për motive të dobëta me një 53-vjeçar, e ka sulmuar këtë të fundit me thikë. Policia bën me dije se menjëherë pas njoftimit të marrë për ngjarjen e ndodhur, është nisur për në vendin e ngjarjes, duke bërë të mundur identifikimin e autorit. “Si rezultat i reagimit në kohë dhe veprimeve të shpejta hetimore u bë identifikimi i autorit, shtetasit A. P., 24 vjeç, banues në Tiranë dhe vijon puna për kapjen e tij. Ky shtetas, gjatë një konflikti për motive të dobëta ka plagosur me një mjet prerës shtetasin E. Rr., 53 vjeç, i cili ndodhet jashtë rrezikut për jetën.”, thuhet ndër të tjera në njoftimin e policisë. Sipas po të njëjtave informacioni mësohet se materialet procedural tashmë I kanë kaluar Prokurorisë, për veprime të mëtejshme, teksa po punohet për kapjen e autorit.