Policia e Tiranës vuri në pranga 46 vjecarin Marko Bushi, i shpallur në kërkim për nën akuzën e trafikut të lëndëve narkotike. 46 vjecari u arrestua në rrugën "Haxhi Dalliu", në kuadër të operacionit të koduar ‘Decision’, pasi ndaj tij Gjykata e Posaçme e Apelit për Korrupsionin dhe Krimin e Organizuar ka vendosur 7.6 vite burg për veprimtari kriminale në fushën e narkotikëve. Marko Bushi ka qenë edhe më parë i arrestuar, për shkak se kërcënoi një prokuror dhe forcat e policisë së Burrelit, kjo për shkak të asgjësimit të dy parcelave me lëndë narkotike të llojit kabais. Në 2017, Gjykata e Krimeve të Rënda vendosi masën e sigurisë Arrest me burg në mungesë ndaj tij, për veprat penale "Prodhimi dhe shitja e narkotikëve", "Kultivimi i narkotikëve", "Grupi i strukturuar kriminal", dhe "Kryerja e veprave penale nga organizata kriminale". Aso kohe policia tha se Bushi ishte në rolin e organizatorit të një grupi kriminal.