Një person i shpallur në kërkim kombëtar për kultivim të bimëve narkotike, u vendos në pranga këtë të dielë nga komisariati i policisë Lezhë. Kastriot Gega ishte shpallur në kërkim që prej vitit 2018 për kultivim kanabisi. Gjykata e Apelit Shkodër më datë 17 shtator të vitit 2018, e dënoi 49 vjecarin me 5 vite burg për dy vepra penale. Konkretisht për“Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe municionit luftarak”, pasi nga hetimet e ktyeta nga organi i akuzës, rezultoi se Gega kishte bashkëpunuaar me persona të tjerë, për të kultivuar 3280 bimë narkotike cannabis sativa. Pritet që 49 vjecari të dalë përpara gjykates, aty ku do i komunikohet dënimi, që gjykata e Shkodrës ka caktuar ndaj tij. Operacioni Sundimi i Ligjit nisi për herë të parë në muajin nëntor të vitit 2023 dhe ka si synim arrestimin e personave të shpallur në kërkim kombëtar dhe ndërkombëtar për vepra të ndryshme penale.