Policia ka finalizuar operacionin policor të koduar ‘Ghosts’, për kapjen e 28-vjeçarit Ilirjan Mici, i shpallur në kërkim ndërkombëtar. Ky shtetas ishte dënuar me vendim të Gjykatës së Madridit në SPanjë, me 28 dhjetor 2023, me masën e sigurisë sigurisë “Arrest në burg”, për veprat penale "Organizata kriminale", “Trafikimi i narkotikëve" dhe "Pastrimi i produkteve të veprës penale", sipas Kodit Penal të Spanjës. Për këto vepra, dënimi maksimal që parashikohet është 26 vjet burgim. Policia njofton se Ilirjan Mici u kap si rezultat i kontrolleve të kryera bazuar në informacionet e siguruara nga inteligjenca policore. 28-vjeçari, banues në fshatin Likmetaj, Durrës, u arrestua me qëllim ekstradimin në Spanjë. Interpol Tirana dhe Interpol Madridi do të kryejnë procedurat për ekstradimin e këtij shtetasi, në Spanjë.