Zgjedhja e Kiarës për të dërguar në nominim Tean, Dean dhe Oltën, ka qenë një nga temat më të diskutuara në shtëpi. Kiara Tito ka qenë konkurentja e radhës që vendosi të hapë kutinë e pandorës, e cila mori një udhëtim çift, por dërgoi në nominim dhe 3 nga banorët. Në një bisedë më Dea Mishel, Tea u shpreh se Kiara i kishte thënë se arsyeja pse e dërgoi atë në nominim ishte për shkak se ajo i përket grupit të Oltës, dhe se i duket lojtare më e fortë se Kristi. Ajo u shpreh se Kiara i kishte përmendur edhe “trekëndëshin” e famshëm dhe i kishte thënë që e ka bezdisur atë me këtë situatë të krijuar. Sipas Teas, e cila citonte fjalët e Kiarës, kjo situatë ka ardhur si pasojë e mashtrimeve të saj. Tea u shpreh se nuk e kundërshtoi Kiarën dhe se një njeri që mendon në atë mënyrë, i janë errësuar sytë nga dashuria.