Policia e Lushnjes u vendos në lëvizje pas marrjes së informacionit se një person mbante armë zjarri pa leje në banesën e tij në Karbunarë. Shërbimet policore zbarkun në shtëpinë e Vladimir Celës, ku gjetën 3 armë zjarri të llojeve të ndryshme dhe fishekë. Brenda kësaj qeseje plastike, efektivi i policisë gjeti një pistoletë me fishekë në fole, e cila u sekuestrua nga grupi hetimor, së bashku me një kallashnikov dhe një armë gjahu. Policia gjithashtu gjatë kontrolleve të kryera në banesën e 50 vjecarit, sekuestroi në cilësinë e provës materiale 3 krëhëra dhe dhjetra fishekë luftarak, të cilat do i vihen në dispozicion organit akuzues për kryerjen e hetimeve përkatëse. Operacioni Strike coi pas hekurave Vladimir Celën, teksa prokuroria e Fierit pritet të nisë hetime të thelluara për të kuptuar qëllimin e mbajtjes së armëve të zjarrit nga ky shtetas si dhe në rast se ai kishte planifikuar kryerjen e ndonjë ngjarje kriminale, nëse i mbante për ti shitur, apo nëse ka pasur ndonjë arsye tjetër.