Nuk u desh shumë që memet të shpërthenin në Meksikë, duke ofruar një lloj lehtësimi të hënën, pasi një tërmet i fuqishëm bëri që ndërtesat të shkunden dhe njerëzit të pushtohen nga paniku, në të njëjtën datë në të cilën vendi ka përjetuar edhe dy nga tërmetet më shkatërrimtare në histori. Në ËhatsApp, Instagram, Facebook dhe përtej tyre, meksikanët e frikësuar kanë gjetur humor tek e pashpjegueshmja, tek një tërmet që ndodh vetëm një orë pas një stërvitjeje për tërmete të planifikuar në qytetin e Meksikës dhe qytete të tjera të mëdha të vendit. “Këta Meksikanët janë vërtetë të fortë, bëjnë stërvitje për tërmete me tërmet live”, thuhej nën një meme e cila shoqërohej me foton e Barak Obamës të habitur. Tërmeti i magnitudës 7.6, ndodhi në të njëjtën ditë si ai i 1985-ës që vrau rreth 10 mijë vetë dhe ai i 2017-ës, që mori 350 jetë njerëzish. Dhe kjo koincidencë ishte subjekt i shumë memeve, si psh ajo e një zogu që lexonte një libër të titulluar: Si të kalosh nga 18 shtatori direkt në 20 shtator... Një tjetër meme, imitonte një njoftim të qeverisë meksikane dhe ftonte të huajt të vizitonin Meksikën dhe cdo 19 shtator të përjetonin live dridhje të vërteta toke. Disa meme shihnin madje me dyshim raportet zyrtare që thonë se tre tërmetet në të njëjtën datë janë vetëm një koincidencë. Të tjera meme, mbartnin ngjyra politike, si ai që shfaqte presidentin e vendit teksa thoshte se toka u drodh më shumë në tërmetin e regjistruar gjatë qeverisjes së paraardhësit të tij...