Koronavirusi në vend ka shënuar një tjetër viktimë në moshë të re mëngjesin e kësaj të hëne. Alban Hidri, 32 vjeç, babai i një fëmije 2 vjeç ka humbur betejën me covid 19. Mësohet se ai ishte i shtruar në spitalin COVID 2 “Shefqet Ndroqi”, dhe prej një jave ishte intubuar. Nga burimet mësohet se 32-vjeçari nuk kishte sëmundje bashkëshoqëruese. Ai ishte i angazhuar në politikë dhe aktualisht ishte kryetar i grupseksionit të PD në Belsh. Lajmin e hidhur e bënë publik miqtë teksa shkruajnë; “Na hidhëroi pa masë lajmi për ndarjen e parakohshme nga jeta e Alban Hidrit, kryetarit të grupseksionit Rrasë. Një njeri i shkëlqyer që fatkeqësisht nuk ia doli dot në betejën me COVID-19. Energjia dhe pozitiviteti i Albanit do na mungojë të gjithëve, familjes së tij të dashur, miqve dhe kolegëve. U prehsh në paqe Alban!”, shkruajnë miqtë e Alban Hidrit, i cili sot u nda nga jeta.