E shtuna e 9 korrikut, fatkeqësisht ishte dita e fundit për një 20 vjecar shqiptar, i cili humbi jetën krejt papritur, teksa po punonte në një serë në zonën e Falciano del Massico të Italisë. I riu me iniciale A.D, nga një fshat i Cërrikut, fillimisht ka shfaqur probleme me frymëmarrjen dhe teksa po punonte i ka thënë të atit se nuk ndihej mirë dhe se po i mbahej fryma. I ndjeri ka dalë jashtë serës për tu ajrosur dhe më pas ka hipur në makinë ku ka ndezur kondicionierin dhe ka pirë shumnë ujë të ftohtë. Sipas mediave italiane, konsumimi i ujit të fohtë, në momentin kur trupi I tij ka qenë i nxehtë, mund të ketë ndikuar në përkeqësimin e gjendjes së tij shëndetësore. Kanë qenë prindërit ata, të cilët e gjetën të vdekur djalin e tyre disa minuta më pas. Trupi i pajetë i të ndjerit u dërgua në Institutin e Mjekësisë Ligjore në Caserta për të përcaktuarshkaqet e vdekjes. Deri më tani dyshohet se i riu ndëroi jetë si pasojë e tempratutrave të larta, megjithatë pritet që të dalë autopsia për të përcaktuar shkaqet e vëreta të vdekjes. Mësohet se shqiptari nuk kishte shumë që kishte gjetur punë në këtë serë. Vetëm pak kohë më parë ishte bashkuar me familjen e tij, e cila kishte vite që jetonte në Sparanise, në Agro Caleno. Grupi hetimor po punon për zbardhjen e plotë të ngjarjes.