Administratori i minierës së kromit në fshatin Thekën në Martanesh Gentjan Peshku, ku humbi jetën një minator të martën e 21 majit, ka rënë në prangat e policisë. Nga hetimet ka rezutuar se masivi i gurëve është shembur për shkak të shkeljes së rregullave të mbrojtjes në punë. Nga ky aksident humbi jetën shtetasi me iniciale A.P 29 vjeç, ndërsa u demtua rëndë një tjetër, i cili është në spital nën kujdesin e mjekëve. Të dy ishin me detyrë vagonistë në këtë minierë. Prokuroria e Dibrës ka nisur hetime tpër administratorin Gentjan Peshku për kryerjen e veprës penale “Shkelja e rregullave të mbrojtjes në punë”. Ndërkohë pas një tjetër viktime në vendin e punës, këtë herë në qytetin e Vlorës, është arrestuar drejtuesi teknik i gurores në fshatin Brataj. Në pranga është vënë Erald Breganaku, për shkak të shkeles së rregullave të mbrojtjes në punë, pasi dyshohet se nuk ka marrë masat për zbatimin e këtyre rregullave në këtë gurore. Punëtori Jurgen Veshi 24 vjeç, humbi jetën pas dëmtimeve që mori nga gurët, në kohën kur po punonte me skrep.