Rifat Lalo ka humbur jetën në spitalin Infektiv, pasi ishte infektuar me koronavirus. Për këtë vajzat e tij, kanë akuzuar stafin e Spitalit Covid1 se nuk i kanë shërbyer të atit, vecse e kanë lënë në të ftohtë, duke mos I bërë as skaner, kur u është thënë e kundërta. Në denoncimin e tyre vajzat kanë shtuar babai u ka kërkuar të jepnin lekë, për ta larguar nga aty, ku po I mungonte shërbimi. Gjendja e tij është përkeqësuar brenda orësh, kanë treguar ato, dhe mbrëmjen e se henës, atyre u është dhënë lajmi se ai kishte ndërruar jetë. Në lidhje me këtë denoncim ka reaguar menjeherë Qendra Spitalore Universitare "Nënë Tereza", ku me ane të një njoftimi zyrtar, ka përgenjeshtruar cdo akuzë të ngritur, nga vajzat e 79 vjecarit Rifat Lalo, I cili ndërroi jeten në spital si pasojë e Covid. Në reagimin e QSUT detajohet i gjithë shërbimi ndaj pacientit, nga momenti kur ai ka mbërritur në pavion si dhe gjendja e tij shëndetësore, e rënduar nga koronavirusi. Qendra spitalore universitare hedh poshtë çdo insinuatë për mungesë shërbimi, shkruhet ndër të tjera në njoftimin zyrtar, dhe është e gatshme të ofrojë të gjithë informacionin dhe provat e nevojshme, që vërtetojnë të kundërtën