Kryedemokrati Sali Berisha kërkon hetim të plotë të kryeqeveritarit Edi Rama për lidhjet e tij me ish-zyrtarin e lartë të FBI, McGonigal. Sipas tij ky rast ka dëmtuar marrëdhëniet me Shtetet e Bashkuara. Edi Rama duhet të pësojë fatin e Charles McGonigal. Ai ka kryer një nga aktet më të rënda në historinë 100-vjeçare në marrëdhëniet me SHBA. Se çfarë tregon ky rast? Ky tregon përdorimin e korrupsionit ndërkombëtar kundër opozitës shqiptare, tregon se Tirana e Edi Ramës është një qendër botërore e korrupsionit të njerëzve. Ka përdorur segmente të policisë sekrete të Enver Hoxhës, për të realizuar një akt makabër në marrëdhëniet mes dy vendeve. Thashë që do ketë komision hetimor parlamentar, do ketë bashkëpunim me SHBA për t’i shkuar gjer në fund kësaj çështje. Por a ka rol Yuri Kim në këtë marrëdhënie?