Tre motra të mitura u paraqitën në pediatrinë e spitalit të Korçës këtë të enjte me shenja helmimi. Të miturat të moshës 3, 7 dhe 10 vjeç u dërguan nga babai I tyre në spital rreth orës 18:15. Nga deklarimet e para ato dyshohet se janë helmuar nga disa karamele që I kishin gjetur në rrugë pranë një koshi mbeturinash e më pas I kishin konsumuar. Ishte vetë I ati I vajzave ai që I gjeti. Menjëherë të miturat iu nënshtruan ekzaminimeve mjekësore. Burime konfidenciale bënë me dije se tre motrat kishin konsumuar pranë koshit të mbeturinave, karamele të cilat dyshohet se kanë patur përmbajtje të esencës së lëndëve narkotike, atë të cannabisit. Nga ana e policisë, është konfirmuar totalisht që karamelet janë gjetur tek koshi i mbeturinave dhe nuk ua ka dhënë asnjë person tjetër. Ndëkrohë sa i takon gjendjes së tre vajzave bëhet me dije se 3-vjeçarja ndodhet në gjendje të rëndë, ndërsa dy motrat e saj e kanë kaluar rrezikun dhe janë nën kujdesi ne mjekëve. Hetimet për rastin po vijojnë, ndërsa u morën në pyetje të gjithë familjarët dhe të afërmit e të miturave.