Prokuroria e Pejës ka njoftuar këtë të shtunë se është bërë identifikimi i dy personave me shtetësi serbe, të cilët dyshohen se kanë gisht në helmimin e ujit në Deçan. Dyshimet nisën, pasi qytetarët raportuan se këta dy shtetas janë parë në afërsi të Manastirit në Deçan, për pasojë këta të dy dyshohet të jenë shkaktarë për helmimin e qytetarëve. Në njoftimin e bërë për media, thuhet se pasi kanë pranuar informatat kanë ndërmarrë veprimet e duhura për të hetuar nëse aludimet e deritanishme kanë vërtetësi. Nga ana tjetër, qytetarët besojnë se helmimi i ujit është bërë nga 2 serbë, të cilët kishin vizituar vendin më 27 qershor. Gjithësesi, ende nuk ka vërtetësi për këtë, ndërsa pritet një njoftim i dytë nga autoritet e Kosovës.