Në islanë është regjistruar një shpërthim i ri vullkanik mëngjesin e të dielës, në jugperëndim të kryeqytetit Rikiavik. Departamenti i sigurisë publike të policisë kombëtare ka shpallur gjendjen e emergjencës. Aktiviteti shpërthyes ka rifilluar në gadishullin Reikjanes, shumë më në jug nga ai i konfirmuar më 18 dhjetor. Në Sund-hnuk, në veri të Grindavikut, për momentin është hapur një e carë që po zgjerohet. Bëhet fjalë për shpërthimin e pestë në gadishullin Reikianes në katër vitet e fundit. Qyteti islandez i Grindavikut është evakuuar plotësisht pak para orës katër të mëngjesit për shkak të shpërthimit të ri vullkanik dhe menjëherë më pas janë urdhëruar edhe skuadrat e emergjencave të largohen nga zona. Pjesa lindore e Grindavikut ka mbetur pa energji elektrike. Llava tani ka mbërritur vetëm 450 metra larg banesave në veri të qytetit dhe sipas shkencëtarëve, magma ndodhet pikërisht poshtë qytetit. Laguna e famshme blu, një resort turistik në Svartsengi, është evakuuar po ashtu.