Rusia do të nisë fluturime të drejtpërdrejta pasagjerësh nga Moska në kryeqytetin e Koresë së Veriut, Penian, thanë autoritetet ruse, ndërsa dy ish-aleatët e bllokut komunist po përpiqen të përmirësojnë lidhjet pas pushtimit të Ukrainës nga Rusia në vitin 2022. Fillimi i fluturimeve të rregullta midis dy kryeqyteteve, për herë të parë që nga mesi i viteve 1990, sipas blogjeve të aviacionit rus, vjen pas rifillimit të shërbimit hekurudhor të pasagjerëve Moskë-Phenian në qershor. Fluturimi i parë do të niset nga aeroporti Sheremetyevo në orën 7 të mbrëmjes. Fluturimi tetë-orësh do të kryhet nga një Boeing 777-200ER me një kapacitet prej 440 pasagjerësh, tha të dielën agjencia shtetërore e lajmeve RIA. Ajo tha se biletat fillonin nga 44,700 rubla ose 563 dollarë dhe biletat për fluturimin e parë u shitën menjëherë.