Kufiri mes greqisë dhe shqipërisë eshtë hapur këtë të shtunë që prej orës 10 00 të paradites. Kushdo që dëshiron të udhëtojë mjafton të ketë pasaportë biometrike të vlefshme, dhe të plotësojë detyrimet e vendosura prej qeverisë greke lidhur me masat anti-covid, mund ta bëjë këtë gje. Fluksi ka qenë i pakët pasi shumë udhëtarë nuk kishin arritur të plotësonin në kohë formën plf, por nga e diela pritet të ketë lëvizje më të shtuara. Deri në datën 28 qershor në kakavijë mund të lëvizin në total 1500 veta dhe në Qafë botë 250. Kurse në doganën e kapshticës deri në datën 28 qershor do të mund të kalojnë vetëm 400 punonjës sezonalë. Kakavija do të jetë hapur nga ora 07e mëngjesit deri në orën 19 00 të mbrëmjes. Ndërkohë athina ka kthyer mbrapsht pa dhënë asnjë shpjegim, hapjen e porteve greke për anijet shqiptare të udhëtimit, duke dëmtuar keqas turizmin e zonës së Sarandës, pasi siç dihet, janë mijëra turistë që udhëtojnë çdo vit nga ishulli i korfuzit drejtë Sarandës dhe anasjelltas. Pritet të dalin qarkoret sqaruese nëse doganat greke do të lejojnë të kalojnë autobusët e kompanive shqiptare të udhëtimit, apo do të vazhdojnë të detyrojnë pasagjerët të ndërrojnë autobus në kufi, çka rrit ndjeshëm edhe koston e udhëtimit.