Një zyrtar i Hamasit e lidhi lirimin e pengjeve që mbahen në gaza me një armëpushim në fushatën izraelite të bombardimeve mbi enklavë që nisi pas sulmit të militantëve islamikë në izraelin jugor, afro tre javë më parë. Izraeli thotë se po përgatitet për një pushtim tokësor por atij i është kërkuar nga SHBA dhe vendet arabe të vonojë një operacion që do të shumëfishonte numrin e viktimave civile në rripin bregdetar me popullatë shumë të dendur dhe mund të ndizte një konflikt akoma më të gjerë. E përditshmja ruse Kommersant, citoi një anëtar të delegacionit të hamasit që vizitoi moskën të thoshte se nevojitej kohë për të gjetur pengjet që u morën nga izraeli gjatë sulmit të 7 tetorit. “Ata morën me dhjetëra pengje, pjesa më e madhe e të cilëve civilë, dhe ne kemi nevojë për kohë për ti gjetur ata në rripin e gazës dhe për ti liruar”, tha Abu Hamid. Sipas tij, hamasi që ka liruar katër pengje deri më tani, e ka bërë të qartë që nga ditët e para të luftës, kishte si qëllim ti lironte të burgosurit civilë. Por ai tha se një ambjent i qetë nevojitej për ta bërë këtë duke përsëritur se bombardimet e izraelit kanë vrarë tashmë 50 prej këtyre pengjeve.