Hamasi thotë se lëshoi ​​tre raketa në Tel Aviv - hera e parë që grupi thotw se ka qëlluar që kur Izraeli rifilloi ofensivën e tij ushtarake në Gaza. Izraeli tha se kapi njërën nga raketat dhe të tjerat ranë në tokë të pabanuar. Të paktën 591 njerëz – përfshirë më shumë se 200 fëmijë – janë vrarë që kur Izraeli rifilloi luftimet të martën, sipas ministrisë së shëndetësisë të Gazës. Forcat e Mbrojtjes së Izraelit (IDF) thanë të enjten se kishin filluar një operacion tokësor në territorin palestinez. Ofensiva rinisi pas përfundimit të armëpushimit. IDF tha vonë të enjten se ushtarët kishin filluar "kryerjen e aktiviteteve tokësore" në Rafah, i cili shtrihet në jug të territorit pranë kufirit egjiptian. Trupat, sipas shtabit ushtarak, kishin "çmontuar... infrastrukturën terroriste", dhe se po vazhdonin gjithashtu aktivitetin tokësor në veri dhe në qendër të Gazës.