Këtë të dielë pritet të mbërrijë në kosovë grupi i qytetarëve afganë që do të strehohen përkohësisht atje. Bëhet fjalë për pak më shumë se 100 persona , që kanë punuar si kontraktorë të Natos të cilët do të jenë së bashku me familjet e tyre. Ende nuk nuk është bërë e ditur asnjë detaj specifik nga ana e autoriteteve për vendstrehimin e tyre por mendohet se do të strehojnë rreth 2 mijë qytetarë afganë. Qeveria e Kosovës ka miratuar kërkesën “për dhënien e mbrojtjes së përkohshme dhe të menjëhershme personave të rrezikuar nga konflikti i brendshëm në Afganistan, të cilët janë në proces të aplikimit për Viza të Veçanta Imigruese (SIV) – të Shteteve të Bashkuara të Amerikës, përfshirë familjet e tyre”. Kujtojmë se Uashingtoni kërkoi Kosova dhe Shqipëria që të pranojnë një numër afganësh që kanë punuar me forcat amerikane, kërkesë që u pranua menjëherë për hir të miqësisë dhe bashkëpunimit shumë vjecar me shtetet e Bashkuara të amerikës.