Cilia Flores, gruaja e presidentit Maduro, pësoi “lëndime të rënda” gjatë kapjes së saj nga forcat amerikane, tha avokati i saj Mark E. Donnelly në gjykatë të hënën. Ai tha se beson që ajo ka një frakturë të rëndë në brinjë "gjatë, asaj që ai e quajti, rrëmbim të saj" nga forcat amerikane. Gjykatësi u dha udhëzime prokurorëve që të siguroheshin që ajo të merrte kujdesin e duhur. Ndërkohë ajo pretendoi pafajësi dhe e quajti veten ende Zonjë e Parë e Venezuelës. SHBA-të e kanë konsideruar Maduron një diktator të paligjshëm që kur ai shpalli fitoren në zgjedhjet e vitit 2018 të njollosura nga akuzat për parregullsi masive. Kapja e tij shënon ndërhyrjen më të diskutueshme të Uashingtonit në Amerikën Latine që nga pushtimi i Panamasë 37 vjet më parë. Prokurorët thonë se Maduro është boshti i një karteli zyrtarësh politikë dhe ushtarakë venezuelianë që kanë komplotuar për dekada me grupet e trafikut të drogës dhe organizatat e shpallura terroriste nga SHBA-ja për të përmbytur vendin me mijëra ton kokainë.