Pas muajsh të gjata me kufizime dhe lejimin e kalimit vetëm për një numër të limituar personash, më në fund pikat e kalimit të kufirit me Greqinë janë hapur me orar të plotë dhe tashmë qytetarët shqiptarë janë të lirë të udhëtojnë drejt vendit fqinjë. Burimet nga zyra e kryeministrit grek, Kiryakos Mitsotakis konfirmuan njoftimin se nga 01 korriku, pika kufitare e Kakavijës do të jetë hapur 24 orë. Po ashtu është hapur edhe pika kufitare e Kapshticës, ku tashmë nuk do të jenë vetëm punëtorët sezonalë që mund të kalojnë nga kjo pikë, por edhe turistët dhe vizitorët e tjerë. Ndërsa nga porti i Sarandës që është e vetmja lidhje detare e Shqipërisë dhe Greqisë është nisur në orën 16:00 trageti i parë drejt fqinjit, pas bblokimit të levizjeveprej gati 14 muaj. Por për të gjithë ata që duan të udhëtojnë drejt greëisë, vijojnë të mbeten në fuqi rregullat e vendosura që lidhen me covid 19. Duhet të kenë me vete një test negative, jo më shumë se 72 orë nga momenti që kalojnë kufirin, si dhe të kenë plotësuar 24 orë para formularin PLF.