Greqia për herë të katërt ka rënë në kthetrat e koronavirusit. Prej tre ditësh autoritetet shendtësore në Greqi kanë raportuar një numër rekord vikitmash dhe rastesh te reja nga Covid 19. Të martën, referuar njoftimit të ministrisë së shendetsisë në Greqi, numri i personave që humbën jetën ishte 75, nga 90 që ishin regjistruar ditën e hënë. Përvec kësaj, një numër I madh pacientësh kanë mbushur spitalet, ku nga shifrat zyrtare bëhet me dije se 700 të tillë po luftojnë me betejën kundra koronavirusit. Të dhënat nuk janë optimiste as nga shifrat e rasteve të reja, ku në 24 orët e fundit janë regjistruar rreth 6200 raste, duke u kthyer në nivelet e muajve shkurt-mars, kur vendi u fut në izolim total për shkak të pandemisë. Kujtojmë se për shkak të përkeqsimit të situatës së pandemisë, Greqia ka zyrtarizuar vendimin për vaksinim të detyrueshëm për personat mbi 60 vjeç, që përbëjnë edhe numrin më të lartë të atyre të të shtruarve në spital dhe të atyre që janë në gjendje të rëndë.