Një operacion i koordinuar mes Drejtorisë Vendore të Policisë së Korçës dhe Drejtorisë së Kufirit e Migracionit çoi në kapjen e 34 kilogramëve hashash dhe arrestimin e dy shtetasve grekë në pikën e kalimit kufitar të Goricës, që lidhe Shqipërinë me Maqedoninë e Veriut. Në pranga kanë përfunduar shtetasit me inicialet Th.K., 48 vjeç dhe 34-vjeçarja A.M., 34 vjeç. Policia thotë se në bazë të informacioneve të siguruara në rrugë operative se një automjet me targa greke do të trafikonte drogë drejt Maqedonisë së Veriut, me destinacion final Greqinë janë organizuar shërbimet e patrullës, të cilat bënë të mundur lokalizimin e automjetit të dyshuar dhe u vunë në ndjekje të tij.