Të drejtat e grave në afganistan reduktohen akoma më shumë. Qeveria e talebanëve ka lëshuar direktiva të reja që ndalojnë gratë të shfaqen në seritë televizive në vend, ndërsa gazetaret dhe prezantueset janë urdhëruar të mbajnë shami në ekran. Nuk bëhet fjalë për rregulla por për direktiva fetare – ka saktësuar një zëdhënës i talebanëve pa specifikuar ndëshkimin në rast të mos respektimit të këtyre direktivave. “Televizionety duhet të evitojnë shfaqjen e telenovelave dhe serialeve provokuese në të cilat shfaqen aktore gra” thuhet në dokumentin drejtuar mediave, pa specifikuar nëse shamia duhet të jetë një shall i thjeshtë, që mbahet në televizion apo ndonjë lloj perceje që mbulon më shumë. Që kur talebanët morën kontrollin e vendit, gratë janë nxjerrë fillimisht nga vendet e tyre të punës në televizion për tu kthyer më pas me premtimin e një qeverie më liberale.