Detaje të reja janë zbuluar nga grabitja e biznesmenit Nazmi Çangu në Nikel te Fushë-Krujë. Mësohet se një nga autorët e grabitjes është identifikuar. Grupi hetimorë bëri me dije se nga rezultatet e AND-së ësht gjendur një fije floku brenda një kapeleje, e cila i përket një qytetari nga Laçi. Mirëpo, ky është detaji I vetëm I cili është njoftuar, ndërsa emri I të dyshusit nuk është bërë me dije. Ndërsa dyshohet se ai jeton në Tiranë. Prej disa ditësh me radhë, i dyshuari është mbajtur nën vëzhgim për të zbuluar se kush janë personat me të cilët ai ka kryer grabitjen por mesa duket nuk ka pasur rezultat. Uniformst blu pak ditë më parë organizuan një operacion në një zonë periferike të kryeqytetit, por në momentin e ndërhyrjes ai i shpëtoi forcave të rendit. Nga kamerat e sigurisë në banesën e Nazmi Çangut, rezulton se autorët kanë qenë më shumë se 6 persona, të cilët kanë lënë pas shumë material për t’i nxjerrë zbuluar. Ngjarja ndodhi më 24 tetorë. Disa persona të armatosur dhe të maskuar kanë hyrë në banesën e Cangut dhe vjedhën mbi 100 mijë euro. Grabitësit e maskuar, pasi kanë mbyllur në një nga dhomat e banesës gruan dhe 4 fëmijët, morën biznesmenin Nazim Çangu, të cilin e rrahën dhe e dhunuan. Duke e kërcënuar që të tregonte për çelësin e kasafortës, ata i kanë prerë edhe njërin gisht me gërshërë.