Vjedhja e artit antik në itali, nuk është një fenomen i ri. Është po aq i vjetër sa edhe perandoria romake, që jo vetëm tërheq grabitësit e varreve ose Tombaroli-t sic njihen në itali, por edhe të pasur nga vende të tjera të botës. Por, pandemia e koronavirusit, i ka ofruar këtyre hajdutëve mundësi të reja për të grabitur site arkeologjike, kisha dhe muze për artefakte të cmuara ndërsa policia është angazhuar në respektimin e masave anti covid. Gjatë 2020-ës, ka patur një rritje të ndjeshme të tregtisë së artefakteve të grabitura në grupet në facebook, në shkollë globale. Në prill dhe maj, një nga grupet më të mëdha të monitoruara, thuajse u dyfishua në përmasa për të arritur në 300 mijë anëtarë. E kjo sipas ekspertëve mund ti atribuohet pjesërisht izolimeve të koronavirusit si edhe rënies së ekonomive në shumë pjesë të botës. Interpoli, ka krijuar një aplikacion të quajtur ID Art, që përmban të dhëna për artefakte të vjedhura së fundmi dhe thotë se 56400 të tilla janë konfiskuar dhe 67 persona janë arrestuar, mes tyre grabitës varresh dhe trafikantë. E kjo mes qershorit dhe tetorit 2020, kur pjesa më e madhe e evropës ishte në izolim. Vetëm në itali, flitet për 1.2 milionë euro artefakte, qeramika, objekte arti dhe libra që kanë përfunduar në duart e blerësve anonimë, shpesh përmes kanaleve si dark ëebi dhe tregu i zi, para se autoritetet të mund të ndërhynin.