Grabitësit nuk kanë vënë në shënjestër bizhuteritë e Lady Gagës, apo makinat e saj, jo. Ata I janë vënë pas shoqëruesit te qenve të këngëtares, të cilin e plagosën ndërsa dy bulldogët e adhuruar të saj, I rrëmbyen. Hajdutet u larguan me shpejtësi nga vendi I ngjarjes dhe Lady Gaga është kaq e tronditur për humbjen e qenve, sa ka vendosur të ofrojë një shumë marramendëse në këmbim të informacionit që mund ta ndihmojë t`I rimarrë ata sërish: 500 mijë dollarë. Mësohet se shoqëruesi është në spital jashtë rrezikut për jetën dhe pritet ta marrë veten plotësisht. Aktualisht Lady Gaga ndodhet në Romë duke punuar për filmin e saj më të ri. Burime pranë këngëtares tregojnë se ajo është jashtëzakonisht e mërzitur dhe shuma gjigande që ofron konsiderohet e pritshme, duke pasur parasysh lidhjen e fortë që ylli I popit ka me dy qentë e saj. Ajo e kaloi të gjithë periudhën e karantinës e mbyllur në shtëpi në shoqërinë e bulldogëve të saj francezë.