Një ngjarje e rëndë është regjistruar këtë të shtunë në Karaburun, ku si pasojë e përplasjes nga një gomone, ka mbetur I plagosur një persona. Sipas policisë, gomonia drejtohej nga një shtetas me inicialet F.T, I cili gjatë ankorimit në molin e vjetër të ish-ushtrisë në gjirin e “Shën Janit”, aksidentalisht me helikën e mjetit lundrues ka dëmtuar në këmbë shtetasin A. K., 56 vjeç, banues në Tiranë, i cili kishte zbritur nga një anije turistike në det afër këtij moli. Sipas policisë 56-vjeçari është transportuar për ndihmë mjekësore në spital, teksa bëhet e ditur se vendi ku ka ndodhur aksidenti, nuk është një zonë plazhi. Menjëherë pas ngjarjes policia bën të ditur se ka shkuar në vendin e ngjarjes. Nga veprimet paraprake është bllokuar nga shërbimet e Policisë Kufitare gomonia, ndërsa drejtuesi i mjetit është shoqëruar në Polici për veprime të mëtejshme. Po ashtu mësohet se po vijon puna për dokumentimin dhe zbardhjen e plotë të rrethanave në të cilat ka ndodhur aksidenti.