Shtetet e Bashkuara dhe Bashkimi Evropian kanë rikonfirmuar pozicionet e tyre se Krimeja i përket Ukrainës. Në një deklaratë të Presidentit të SHBA-së Joe Biden, tw lwshuara nw prag të shtatë vjetorit të pushtimit të Krimesë nga Rusia, thuhet se me lwvizjen e saj shtatw vjet mw parw, Moska shkeli ligjin ndërkombëtar e normat mbi të cilat vendet moderne angazhohen me njëra-tjetrën si dhe sovranitetin dhe integritetin territorial të fqinjit të saj.“Shtetet e Bashkuara vazhdojnë të qëndrojnë nw krah tw Ukrainës dhe aleatëve e partnerëve të saj sot, siç ka bërë që nga fillimi i këtij konflikti. Në këtë përvjetor të zymtë, ne ripohojmë një të vërtetë të thjeshtë: Krimea është Ukrainë”, tha presidenti amerikan.“SHBA-ja nuk do ta njohw kurrw aneksimin e gadishullit nga Rusia dhe ne do të qëndrojmë me Ukrainën kundër akteve agresive të Rusisë. Do të vazhdojmë të punojmë për ta mbajtur Rusinë përgjegjëse për abuzimet dhe agresionin e saj në Ukrainë”, shtoi Biden. Në cilësinë e presidentit të Komitetit të Ministrave të Këshillit të Evropës, edhe Ministri i Jashtëm gjerman Heiko Maas përsëriti qëndrimin e BE-së që dënon aneksimin e Krimesë nga Rusia. BE e sheh këtë veprim si shkelje të ligjit ndërkombëtar.Këshilli riafirmon "mbështetjen e tij të qartë e të patundur për pavarësinë, sovranitetin dhe integritetin territorial të Ukrainës brenda kufijve të saj të njohur ndërkombëtarisht", theksoi Maas.