Policia e Durrësit ka goditur pas disa javësh hetime një rrjet prostitucioni, duke arrestuar dy shtetase kineze dhe pronarin e apartamenteve që i kishte dhënë me qira për shfrytëzim të aktivitetit të paligjshëm. Sipas uniformave blu të Durrësit, dy shtetaset kineze 54 dhe 40 vjeç kishin marrë me qira pa kontratë dy apartamente në lagjen nr. 13 dhe i kishin përshtatur për aktivitete prostitucioni. 3 shtetasit akuzohen për veprat penale, “Shfrytëzimi i prostitucionit”, “Prostitucioni” dhe “Përshtatja e ambienteve për prostitucion”, të kryer në bashkëpunim.