Kjo është banesa e dy pjesëtarëve te një grupi kriminal, babë e bir në Kamëz, të cilëve iu gjetën dhe sekuestruan vepra arti të ndryshme të vjedhura në shtetet e Europës. Operacioni I koduar, ‘Muzeu I errët/’ është finalizuar nga specialistët e Seksionit për Hetimin e Trafiqeve të Paligjshme, në koordinim me Prokurorinë e Tiranës, pas disa javësh hetime. Sipas njoftimit zyrtar të policisë, një tjetër pjesëtar I grupit kriminal është shpallur në kërkim. 3 shtetasit, të organizuar si grup, trafikonin në Shqipëri, objekte me vlera historike dhe kulturore, të vjedhura në shtete të ndryshme të Europës, me qëllim shitjen në vendin tonë, në kundërshtim me ligjin.
 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						