Një gjyqtare, emri i së cilës është lakuar shpesh kohët e fundit për lirime nga burgu të disa personazheve vip të krimit është arrestuar nga prokuroria special SPAK, ndërsa gjatë kontrollit në njërën prej shtëpive në pronësi të saj u sekuestruan edhe një sasi e konsiderueshme valute, për të cilën dyshohet se është vënë përmes akteve korruptive. Enkeleda Hoxha u arrestua bashkë me 10 persona të tjerë paraditen e kësaj të enjteje, pasi përgjimet telefonike zbuluan, se ajo kishte marrë 12 mijë euro për lirimin nga burgu të një personi. Sipas SPAK, falë hetimeve të këtij procedimi u bë e mundur të evidentohej një skemë e mirëfilltë kriminale sipas së cilës persona të dënuar që cilët vuanin dënimin në burgun e Fushë – Krujës përfitonin ulje dënimi kundrejt dhënies së përfitimit të parregullt.