Ish-kryebashkiaku i Durrësit, Vangjush Dako do të rikthehet në burg. Apeli i posaçëm vendosi që të konfirmojë dënimin e dhënë nga shkalla e parë e gjyqsorit të posaçëm, duke vendosur burgosjen e Dakos që ndodhej në arrest shtëpie. Por për shkak se një pjesë të madhe të dënimit e ka kryer gjatë periudhës së paraburgimit, ish-kryebashkiaku I akuzuar për shpërdorim detyre në dy raste, do të qëndrojë në qeli vetëm 8 ditë. Trupa gjykuese konfirmoi gjithashtu dënimin me dy vite burg edhe tre të pandehurit e tjerë, Fatmir Ejupi, Fiqiri Farruku dhe Adrian Bulku. Ish-kryebashkiaku I Durrësit u arrestua në 6 qershor të vitit 2023 pasi sipas SPAK ai gjatë kohës që ishte në detyrë lejoi ndërtimin e një pallati që u shemb gjatë tërmetit të vitit 2019, jashtë planit që ishte paraqitur projekti dhe nga ana tjetrë për abuzimin me një tender që lidhej me ndërtimin e një shëtitoreje që I shkaktoi buxhetit të shtetit sipas KLSH një dëm prej 18 milionë lekësh.