Gjykata e Posacme e Apelit ka vendosur të lë në burg ish drejtorin e Radio Televizionit shqiptar Thoma Gëllci, për pabarazi në tendera dhe abuzim me detyrën. Gëllci kërkoi nga gjykata e apelit masë më të lehtë sigurie, me argumentin se burgu është i papaërshtatshëm për të, por gjykata nuk e mori parasysh kërkesën e tij.Përvec Thoma Gëllcit edhe 3 vartësit e tij të tjerë, Alban Malaveci, Ervin Muraj dhe Julian Tapia po ashtu janë lënë në burg , pasi akuzohen për shkelje të barazisë në tender. Avokati i Thoma Gëllçit, Dorjan Matlija ka pretenduar se ky është një sulm, pasi klienti i tij ka kërkuar hapjen e garës dhe do të rikandidonte për postin e drejtorit të përgjithshëm të RTSH. Sheklja që Gëllci ka bërë gjatë kohës kur ai ka qenë në deyrë është se ka abuzuar me një tender të vitit 2018 me fond prej 86 milionë lekë të reja për blerjen e pajisjeve për kanalin RTSH Agro, ku tre anëtarët e Komisionit të Vlerësimit të Ofertave, Alban Malaveci, Ervin Muraj dhe Julian Tapia akuzohen për shkelje të barazisë në tender. Nga hetimet gjithashtu ka rezultuar se Thoma Gëllçi si ish-drejtori i Përgjithshëm i Radio Televizionit Shqiptar ka kryer shkelje ligjore në këtë procedurë prokurimi dhe akuzohet për shpërdorim detyre.