Pezullohet nga detyra prefektja e qarkut të Fierit Rajmonda Balilaj, e cila po hetohet nga Prokuroria e Posaçme për shkelje të barazisë në dy tendera gjatë kohës kur mbante postin e kryebashkiaket së Patosit, në bashkupunim edhe më gjashtë zyrtarë të tjerë të këtij institucioni. Bëhet fjalë për dy tendera të vitit 2021 me objekt ndërtimin emergjent të murit mbajtës me gabiona dhe gurë në Dukas-Breg, si pasojë e rrëshqitjes së tokës dhe kthimin e rrugës në gjëndjen e mëparshme si dhe ndërtimin e murit mbajtës në trupin e rrugës në fshatin Ruzhdie. Rajmonda Balilaj e cila mbajti postin e kryetares së bashkisë së Patosit dyshohet se ka paracaktuar si fituese një firmë ndërtimi për këto tendera dhe e ka favorizuar me ndihmën edhe t ëish nënkryetares së bashkisë, sekretarit të përgjithshëm dhe zyrtarë të tjerë. Byroja Kombëtare e Hetimit ekzekutoi masat e sigurimit të caktuara me vendimin e Gjykatës së Posaçme Antikorrupsion ndaj gjashtë të hetuarve, për një nga të hetuarit nuk është bërë i mundur ekzekutimi pasi ndodhet jashtë shtetit. Gjykata e Posaçme Antikorrupsion vendosi masën e sigurisë detyrim paraqitje për Eneriada Rizai, anëtare e Komisionit të Vlerësimit të Ofertave, Vangjel Nushi, ish Drejtor i Drejtorisë së Monitorimit dhe Shërbimeve Publike dhe Arben Manoku, me detyrë ish Inxhinier pranë Bashkisë Patos. Ndërkohë janë pezulluar nga detyra, Shkelqim Beqiri sekretar i Përgjithshëm i Bashkisë Patos; Anisa Petani, ish Nënkryetaren e Bashkisë Patos, Bora Murati, me detyrë specialiste Urbaniste, në Drejtorinë e Urbanistikës, pranë Bashkisë Patos.