Shefja e misionit të OSBE ODHIR, Audrey Glover ju drejtua selisë së Partisë Socialiste ku u prit nga sekretari i përgjithshëm i kësaj force politike, Damian Gjiknuri. Fill pas takimit që zgjati për rreth një orë, Gjiknuri zbardhi detajet e bisedës me shefjen e OSBE OSHIR. "Ata nuk japin mesazhe, por dëgjojnë pikëpamjet e të gjitha partive politike për mbarëvajtjen e zgjedhjeve. Nuk paraqitën ndonjë shqetësim. Konstatimi i tyre duket se nuk ka ndonjë shqetësim. Fushata ka qenë e qetë, nuk ka pasur probleme. Kishim pyetje në lidhje me listën e zgjedhësve. Gjëra teknike, administrative dhe nuk vënë në pikëpyetje mbarëvajtjen e zgjedhjeve në Shqipëri," Gjiknuri foli për ekzekutimin e kandidatit të PSD për këshillin bashkiak në Lezhë, Ardian Nikulaj kur tha se nuk duhet të bëhen spekulime për motivet e vrasjes.