Qeveria gjermane do të sigurojë furnizimet me gaz për gjermaninë sa më shpejt që të jetë e mundur dhe do ta bëjë këtë përmes gazit natyror të lëngshëm. Për këtë qëllim tre terminale të gazit natyror të lëngshëm do të lidhen me rrjetin në bregdetin gjerman dhe tetë të tjerë do të pasojnë. Ministria gjermane e ekonomisë, me sa duket, pret një furnizim me tepricë të konsiderueshme për terminalet e planifikuara të gazit të lënsgëm. Mediat gjermane shkruajnë se kapaciteti i të gjithë terminaleve lundruese dhe atyre tokësore, mund të kapërcejë sasitë e gazit të importuara nga Rusia në vitin 2021. Mediat i referohen një raporti të ministrisë së ekonomisë sipas të cilit janë planifikuar 10 terminale lundruese në detin e veriut dhe në detin baltik, gjashtë prej të cilëve me pjesëmarrjen e shtetit. Vetëm këto terminale lundrues do të kishin një kapacitet nga 53 deri në 67 miliardë metra kub gaz në vit duke filluar nga 2024-a. Vec kësaj, deri në 2026-ën duhet të ndërtohen tre terminale në tokë me një kapacitet deri në 50 miliardë metra kub gaz. Vitin e kaluar ndërkohë, nga rusia në gjermani u importuan me tubacion vetëm 54 miliardë emtra kub gaz.