Gjermania ka nisur punën për të forcuar bunkerët e saj si edhe për të siguruar rezerva krize në rast të një lufte, raportoi të shtunën e përditshmja Velt am Sonntag, duke cituar ministren e brendshme të vendit. Pas dekadash erozion në forcat e armatosura të gjermanisë, lufta e rusisë në Ukrainë ka sjellë një kthesë të madhe politike me kancelarin gjerman, Olaf Scholz që ka premtuar se do të rriten shpenzimet për mbrojtjen dhe do të ketë një financim prej 100 miliardë eurosh për ushtrinë. Qeveria po ashtu po punon për të përmirësuar sistemin e bunkerëve publikë dhe do të shtojë shpenzimet për mbrojtjen civile 0 tha ministrja e brendshme Nancy Faeser për të përditshmen. “Aktualisht ka 599 vendstrehime në gjermani. Ne do të kontrollojmë nëse do të mundemi ti përmirësojmë akoma më shumë këto sisteme. Sidoqoftë, prishja e tyre është ndalur”, tha ministrja. Gjermania po punon mbi koncepte të reja për forcimin e parkingjeve të nëndheshëm, stacioneve të metrosë dhe bodrumeve që mund të kthehen në strehime të mundshme – tha ajo duke shtuar se qeveria i kishte dhënë landeve 88 milionë euro për të instaluar sirena të reja. Vendi po ashtu do të shtojë rezervat e krizës me furnizime që përfshijnë edhe pajisje mjekësore, veshje mbrojtëse, maska apo ilace.